أصدقاء القصة السورية  

الصفحة الرئيسية / خريطة الموقع / بحث / ضيوفنا / الكاتب / سجل الزوار

 

جمعية شام أصدقاء اللغة والثقافة العربية السورية - فرنسا

 

 / أغاني وأشعار لآية / أعياد ميلاد آية / صور آية / الكتاب الذهبي لآية

الرواية / القصة / المسرح / الشعر / الخاطرة / أدب الرسائل / المقالة / حكايات آية

للاتصال بنا

يحيى الصوفي في كنول من غوغل

Youtube  يحيى الصوفي في

facebook يحيى الصوفي في

جديد الموقع

 

 

facebook حكايات آية في

facebook صفحة محبي آية في

facebook جديد آية في

facebook آية الصوفي في

   

السابق أعلى التالي

التعديل الأخير: 13-12-10

 

 

البابا ومؤتمر القمة

 

لقراءة التعليقات

 
 

 

 

 

 

البابا ومؤتمر القمة

 

 

 

مؤتمر القمة العربية 22 في مدينة سرت الليبية

بتعرفوا البابا كانت خلاقو دايقة شوي نهار انعقاد القمة في 22 من هالشهر (آذار 2010)... وعمال يقاتل دبان وجهو... ليش ياحزركن لأنو المحطات الفضائية كلها تعطلت فجأة، لما بلش مؤتمر القمة العربي في ليبيا... بدكن خبركن شو صار ؟.

 

يعني صحيح فيه عاصفة بره والجو عمال يمطر وما توقف من مبارح... بس اليوم عطلة... والبابا بيتابع البرامج العربية... واليوم بالذات فتح التلفزيون على حين.. يعني من الصبح وما خلانا نشوف أفلام كرتون من شان يتابع أخبار القمة العربية... ولسه ما بلش المؤتمر وبلشوا الضيوف يحكوا حتى انقطع الإرسال... يعني الماما صارت تضحك... يمكن شمتت فيه... وأخواتي فرحوا... وأنا ما فهمت شو عمال يصير... بس ضاعوا علي بوسات البابا واللعب والكررة معكن على النت.

 

حلول فاشلة

وياريت لحد هون خلصت المشكلة... لا أبدا راح يدور على محطات البث المباشر على الانترنت... والجزيرة يلي صارعه الدنيا بتكنولجيتها وتحضرها ما قدر يشوفها... لأنو بعد ما وصل على صفحة البث المباشر عندن... قالولوا لازم تشحن برنامج صغير من شان يشغل البث المباشر حسب سرعة الكمبيوتر... وبعد ما عمل يلي طلبوه منو... طلعتلو شاشه سوده... يعني راح تعبو على بوش.

 

يعني ما بس محطة الجزيرة على الانترنت يلي زارها البابا... ما خلى محطة عربية بتبث مباشر إلا وما حاول معها... بعضهم ادر يشوف برامجن بس مو سألانين عن القمة بالمرة ؟... يعني راح وقت الغدا... ونمت وفقت شي أربع مرات... وكل ما أجي إلى غرفة القعدة بلاقي البابا عمال يزور.

 

يعني مكشر متل ما بقولوا المصريين ؟.

 

أخيراً استسلم

ومالقا غير حل واحد انو يخبط على الجهاز ويفكفك الشرطان ويرجعهن... شوي بتطلع القناة وشوي بتغيب... يعني وجعني راسي... حتى استسلم وقلنا خدوا التلفزيون وتفرجوا على برامجكن الفرنسية.

 

هو نحني عندنا تلفزيون بغرفة أخواتي... بس صرنا مدمنين على مشاهدة برامجنا على التلفزيون المسطح الكبير المعلق على الحيط... وما عاد يعجبنا العجب إلا نتفرج عليه... وبالذات لأنو موصل بمحطات التلفزيون عبر الانترنت الفائقة الجودة... يعيني اضوا أخواتي بعد الظهر يوصلوا بالأسلاك والكوابل... لأنو البابا شالن كلن وما خلا إلا الوصلات يلي إلها علاقة بالمحطات العربية... لأنو صار يتهم جهازنا بأنو السبب وراء العطل !؟.

 

بس ما تهتموا... بجوز هيك أحسن، لأن المؤتمر هو خلص من هون ورجعت الأقنية من جديد... بس البابا كان نايم... ولما رجع يفقس بالاقنية مالقى عليها غير الندوات والحوارات والتعليقات... وكل ما استنى نشرة أخبار كامله بيطلعو موجز... يعني أنا يلي راحت عليي...لاني صرلي ساعة بحضن البابا وهو عمال يعركني يمين شمال... ومبين الأحسن انو روح نام... لأنو اليوم كان كتير بخيل باللعب والحكي والبوسات... تصبحوا على خير.

 

اخدتني الماما لنام وما قدرت

اخدتني الماما لنام وما قدرت... لأنو البابا لسه فايق... رجعتني الماما لعندو على الصالون... ديقتلو خلاقو بالزعيق...هو الوحيد يلي بيفهم شوبدي... يعني خليتو يترك شغلو ويشيلني ويبوسني ويغنيلي.

 

وما بس هيك وعدني انو يرفع باسمي واسم أخواتي والماما دعوى للأمم المتحدة ورئيسها "بان كي مون"...يوماً آخر... صباحاً آخر وليش لأ للرئيس "اوباما" والرئيس "ساركوزي"... (يعني هدول يلي منقدر نتمحرش فين) لأنن هني السبب في كل يلي عمال يصير لألنا بسبب قراراتن وخوفن من إسرائيل !؟.

 

تصوروا شقد فيه ناس متلنا ومتل البابا عمال تأثر هالمشكلة علين.

 

وفوق هالشي البابا بيعتبر انو قضية فلسطين والقدس هني القضايا الأولى لإلنا وما لازم ننساهن أبدا... ولهيك لما كتب قصيدتو عن غزة... احتار كيف بدو يعبر عن غضبو... خاصة لما شاف كل العالم وأولن العرب داروا ضهرهن لإلها... بترككن معها وتصبحو على خير.

يوماً آخر... صباحاً آخر قصيدة كتبها البابا متاثرا بالحرب الإسرائيلية على غزة منذ عام

 

قمة بدون مفاجآت

والحمد لله أنو القمة العربية ما قدرت تقرر شي جديد... يعني البابا ما روح عليه أي مفاجآت أو قرارات خطيرة متل ما كان متأمل... يعني القدس ما نقصها شوية مصاري... اقل منلي بيصرفها أصغر مقامر عربي على طاولة القمار.

 

هادا غير مئات المليارات التي سرقت من خزائنهم بسبب البورصة والأزمة المالية العالمية الأخيرة !؟.

 

وهي بكل الأحوال ما راح توصل وتحل المشكلة، لأنها راح تتنظف بالبنوك الإسرائيلية... وراح يضيع نصفها بخاخيش وعمولات.

 

أنا مالي علاقة بها الحكي... هادا البابا وذنبو على جنبو !؟.

آية الصوفي جنيف في 28/03/2010

لقراءة الحكاية 6 مع التعليق على الفيس بوك

27 mars, à   23:46  Badeea Bashat  

-ليش تزعلنا الصغيرة ياعم يحيى.. كيفك
- والله العالم هون عايش على الريش وكأنو ماحاصل شي
هون مابتدرى بشي لابقمة عربية ولا اجنبية ولا موت ولا حياة

1 avril, à 03:02  عمر صوفي

ريت الله يحرسها وايخليها لأهلها

   
   
   
   
   
   
   
 

 

 

الصفحة الرئيسية | الرواية | القصة | المسرح | الشعر | الخاطرة | أدب الرسائل | المقالة | حكايات آية

 

للاتصال بنا أو إضافة تعليق

 

Genève-Suisse جنيف - سويسرا © 2003 Almouhytte حقوق النشر محفوظة لموقع المحيط للأدب